الانتريه القديم غالباً هيكله أحسن بكثير من اللي بيتباع جاهز النهارده، والمشكلة في الإسفنج المتهالك والقماش الباهت مش في الخشب.
التجديد بيرجّعه زي الجديد بتكلفة أقل من شراء طقم جديد، وفي نفس الوقت بتحتفظ بالموديل اللي بتحبه.
في الدليل ده هنشرح إمتى يستاهل التجديد، وإيه اللي بيتعمل بالظبط، وإزاي بنجدد كل طراز (كلاسيك وارابيسك واسيوطى ومودرن)، مع صور حقيقية من شغلنا.
هل يستحق تجديد انتريه قديم؟
القاعدة البسيطة : لو الهيكل الخشب سليم، فالتجديد أوفر وأفضل، أغلب مشاكل الانتريهات القديمة بتكون في الحشو والقماش، وده بيتغير بالكامل من غير ما نلمس الهيكل.
أما لو الخشب نفسه مكسور في أماكن كتير، فبنقويه وبنضيفله خشب جديد علشان يرجع أكنه جديد :
و دي الحالات اللي الانتريه فيها ننصحك تجدده ونرجعهولك كالجديد وأحيانًا أفضل :
- القعدة هابطة أو فيها حفر وبتحس بالخشب لما تقعد.
- القماش باهت أو متقطع أو فيه بقع ما بتروحش.
- الظهر والمساند مرتخية ومش بتسند.
- صوت صرير أو اهتزاز في الهيكل الخشبي.
- الموديل لسه عاجبك بس اللون أو القماش قديم.
إصلاح جزئي للطقم ولا تجديد كامل؟
مش كل انتريه قديم محتاج نفس مستوى التدخل، أحياناً المشكلة في جزء واحد بس، زي قماش باهت أو مسند مكسور، وساعتها إصلاح جزئي ممكن يكفي ويوفر عليك مصاريف مش محتاجها.
وأحياناً الحالة العامة (إسفنج هابط وقماش متقطع وهيكل خشب محتاج تقوية) بتستدعي تجديد كامل،
و في الحالتين بنقيّم القطعة الأول ونقولك بصراحة إيه الأنسب لحالتها، مش عرض واحد لكل الحالات.
خطوات تجديد انتريهات قديمة من الفك للتسليم
التجديد الحقيقي مش مجرد تغيير القماش من فوق، احنا بنفك الانتريه بالكامل، وبنفحص الهيكل الخشب، وبنصلح أي ضعف في الخشب أو الوصلات.
وبعدين بنبدأ التنجيد من جديد، الفرق بين شغل عمولة بيعمّر وشغل شعبي بيتبهدل بعد سنة هو الأساس اللي بيتعمل تحت القماش
وإحنا مش بنجدد الشغل في بيت العميل، بنجيلك ناخد الشغل من عندك، ولما بيخلص بنرجعهولك تاني لحد عندك ، و مراحل الشغل هي :
- استلام الانتريه من عندك ونقله.
- فك القماش القديم والحشو، وفحص الهيكل الخشب.
- إصلاح أو تقوية الخشب والوصلات عند الحاجة.
- تركيب إسفنج جديد عالي الكثافة وتغيير السوست أو الشريط المطاطي.
- اختيار القماش معاك وتفصيله بالمقاس.
- التنجيد والتشطيب وتسليم الانتريه لحد عندك.
تفاصيل صغيرة بتفرق في جودة التجديد
الفرق بين تجديد عادي وتجديد متقن بيظهر في التفاصيل اللي مش بتتشاف من أول نظرة، بنضبط الحشو الجديد على منحنيات هيكل الانتريه نفسه، مش بمقاس عام ثابت، عشان الجلسة تطلع مريحة ومتساوية.
وبنهتم كمان بالتفاصيل الظاهرة اللي ممكن تكسر انطباع إن القطعة اتجددت :
- طبقة فيبر رول فوق الإسفنج لنعومة إضافية في الجلسة.
- تغيير المقابض والدبابيس والإكسسوارات الظاهرة بما يناسب القماش الجديد.
- تلميع و دهان الأجزاء الخشب الظاهرة عشان متبقاش باهتة جنب القماش الجديد.
- إعادة تشكيل المساند (الضهر واليد) لو شكلها قديم الطراز.
تجديد انتريه كلاسيك
الانتريه الكلاسيك بيتميز بالأذرع المنحنية والتفاصيل الخشب المنحوتة، وغالباً بيكون مبطّن بتفاصيل زي الكابتونيه.
التجديد هنا بيحافظ على الطابع الفخم، لكن بإسفنج مريح وقماش بلون أنضف.
الكابتونيه محتاجة دقة في التنفيذ، لأن أي خطأ في الأزرار بيبان على طول، بنحافظ على التماثل وبنخلي الحشو متساوي.
ولو عايز تفضل على الشكل الكلاسيك، بنرشح لك ألوان زي البيج والذهبي والبني الهادي.
تجديد انتريه ارابيسك
الارابيسك معروف بالنقش والحفر الدقيق على الخشب، وده بيخلي قيمة الهيكل عالية جداً،
علشان كده تجديد الانتريه الارابيسك بيكون أحسن بكتير من التخلص منه، لأن الحفر اليدوي ده صعب تلاقي زيه في الموديلات الجاهزة اليومين دول.
في التجديد بنركز على الحفاظ على النقوش وتنظيفها وترميم الناقص منها، وبعدين تنجيد القعدات بقماش يبرّز الحفر بدل ما يغطي عليه.
تجديد انتريه اسيوطى
الانتريه الاسيوطى من الطرازات المصرية المميزة اللي ناس كتير بتدور على تجديدها، لأن قطعه غالباً ثقيلة وهيكلها قوي.
التجديد هنا بيعتمد على الحفاظ على شخصية الطقم وتحديث الراحة والمظهر.
بنغير الإسفنج والقماش، ونرمم الخشب لو فيه تشققات، ونقدر نعدّل لون التشطيب لو العميل عايز شكل أهدى.
تجديد انتريه مودرن
كتير من العملاء عندهم انتريه كلاسيك أو قديم وعايزين يحوّلوه لشكل مودرن من غير ما يشتروا جديد،
ده ممكن في حالات كتير، من خلال تبسيط التنجيد وتغيير القماش لألوان محايدة (رمادي، بيج، أخضر هادي) وإزالة الزخارف الزايدة لو الهيكل يسمح.
وتجديد انتريهات مودرن من الأساس بيكون أسهل، لأن الهيكل بسيط : إسفنج جديد وقماش جديد بيرجّعوه لحالة المصنع وأحسن.
اختيار القماش المناسب لتجديد الانتريه
اختيار القماش من أهم قرارات التجديد، وبيتحدد حسب مكان الانتريه وطريقة استخدامه.
لو في مكان استقبال كتير الاستخدام، الأفضل أقمشة سهلة التنظيف ومقاومة للبقع والاحتكاك، ولو في مكان أقل حركة، المساحة بتكون أوسع للاختيار حسب الشكل والفخامة.
وبنراعي كمان ديكور الغرفة نفسها:
- الكلاسيك: أقمشة غنية بالتطريز والتفاصيل.
- المودرن: أقمشة بسيطة بألوان هادية.
- ألوان الحوائط والستائر وباقي الأثاث بتتحط في الحسبان من الأول.
تجديد انتريه صالون وركن
نفس مبادئ التجديد بتنطبق على الصالونات والركن، لكن الركنة بتحتاج دقة زيادة في القياس والتقسيم، لأنها قطعة واحدة كبيرة عليها ضغط أكبر.
وبننفذ التفصيل عمولة بحسب مقاس الغرفة، سواء بنجدد ركنة قديمة أو بنعملك واحدة جديدة.
ولو عايز تغيّر شكل الصالون، ممكن نعدّل في ارتفاع الظهر أو سُمك القعدة أو شكل الأذرع بحسب حالة الهيكل.
تجديد الصالون المدهب وتعديل مقاس الركنة
الصالون المدهب بيحتاج خطوة إضافية قبل التنجيد، بنفحص حالة طبقة الدهان الذهبي، وبنعيد معالجة الأجزاء المحتاجة بس، ونرمم البسيط منها.
.وبعدها بنمشي على تنجيد يناسب فخامة الشكل، وبنوزع الأزرار لو في كابتونيه بما يتماشى مع خطوط النقش
أما الركنة اللي مقاسها مش مناسب للمكان، فممكن نكبّرها أو نصغّرها على مساحة الغرفة بدل ما تشتري واحدة تانية بمقاس مختلف، وفي نفس الوقت نعدّل شكل المساند لو محتاج.
باقة تجديد غرفة كاملة بقماش موحد
لو عندك أكتر من قطعة محتاجة تجديد (انتريه وركنة وصالون مثلاً)، تقدر تجددهم كباقة واحدة. الميزة إن كل القطع بتطلع بنفس درجة القماش ونفس مستوى التشطيب.
كده الغرفة بتبان متكاملة بعد التجديد، مش قطع اتصلحت كل واحدة لوحدها بدرجات مختلفة.
الخامات اللي بنستخدمها في التجديد
بنستخدم إسفنج عالي الكثافة (كثافة 40) في التنجيد لأنه بيحافظ على شكل الطقم وبيتحمل الاستخدام اليومي وبيعيش عمر أطول بدون هبوط.
أما الهياكل فبنفضّل خشب الزان الأحمر لأنه خشب متين ومعروف في صناعة الأثاث، ولو هيكلك الأصلي خشب زان، فده سبب إضافي إنك تجدده بدل ما تتخلص منه.
صور تجديد انتريهات قبل وبعد من شغلنا
الصور أبلغ من أي كلام، دي نماذج حقيقية من انتريهات جددناها، وتحت كل صورة ملخص للي اتعمل فيها.
شوف الفرق بين الانتريه قبل التجديد وبعده: نفس الهيكل، بس بإسفنج جديد وقماش جديد وتنجيد متقن.
كم تكلفة تجديد انتريه قديم؟
التكلفة بتختلف حسب عدد القطع (انتريه كامل أو ركنة أو صالون)، ونوع القماش، وحالة الهيكل، وهل فيه حفر أو كابتونيه.
والأدق إنك تبعتلنا صور الانتريه وهنعطيك تقدير مبدئي، و التجديد بيكلف أقل من شراء طقم جديد بنفس جودة الخامات.
أسئلة شائعة عن تجديد الانتريهات
هل أجدد الانتريه القديم ولا أشتري جديد؟
لو الهيكل سليم فالتجديد أوفر في الغالب، خصوصاً مع الانتريهات الخشب الطبيعي والموديلات اللي صعب تلاقيها دلوقتي.
كم يستغرق تجديد انتريه؟
المدة بتختلف حسب عدد القطع وحالة الهيكل ونوع التنجيد، وبنحددها معاك بعد معاينة الصور.
هل ممكن أغير موديل الانتريه أثناء التجديد؟
في حدود الهيكل الموجود، آه. ممكن نغيّر الشكل الخارجي والقماش وشكل التنجيد، أما التغيير الجذري في التصميم فمحتاج معاينة.
إيه الفرق بين الإسفنج العادي وعالي الكثافة؟
الإسفنج عالي الكثافة بيرجع لشكله بعد الجلوس ويتحمل وقت أطول بدون ما يهبط، ولهذا بنستخدم إسفنج كثافة 40.
هل ممكن تجددوا الانتريه من غير ما النقوش تتأثر؟
آه. بنحافظ على النقوش والشغل اليدوي الأصلي وننظفه ونرمم الناقص منه، وبنختار قماش يبرّز الحفر بدل ما يغطي عليه.
بتجددوا في بيتي ولا لازم أنقل الانتريه؟
إحنا مش بنجدد الشغل في بيت العميل، بنجيلك ناخد الشغل من عندك، ولما بيخلص بنرجعهوله تاني لحد عندك.
عايز تعرف تكلفة تجديد الطقم بتاعك؟ ابعتلنا صور له وهنوضحلك التفاصيل.
لمزيد من التفاصيل يمكنكم التواصل معنا على رقم 01118849754 متاح واتساب.
